Хичээлийн шинэ жил эхэлж нийслэлд зорчих хөдөлгөөн ихсэхээс өмнө нийтийн тээврийн парк шинэчлэлийг эхлүүлж байгаа талаар Нийслэлийн нийтийн тээврийн үйлчилгээний газраас мэдээллээ. Тодруулбал, энэ сарын 25-наас эхлэн нийслэлийн нийтийн тээвэрт 25-30 хүний суудалтай, хоёр давхар 10 автобусыг үйлчилгээнд явуулснаар хотын түгжрэл 5 хувиар буурна гэж тооцоолжээ.
Нийтийн тээвэрт нэг автобусны ашиглалтын хугацааг 9-12 жилээр тооцдог бөгөөд үйлчилгээнд 12 болон түүнээс дээш жил явсан автобусуудыг энэ жилээс шинэчилж байна. Энэ жил 200 автобусыг шинэ, том оврын, бөөнөөр нь тээвэрлэх багтаамж ихтэй автобусаар шинэчилнэ.
Иргэд нэг цэгээс нөгөөд 15-20 минутын дотор зорчих учиртай ч ийм нөхцөл байдлыг бүрдүүлэхэд нийтийн тээвэр багтаамж ихтэй, түргэн шуурхай үйлчилдэг байх нь зүйн хэрэг.Цаашид нийслэлд RTV тээвэр буюу хөнгөн метро зэрэг төслийг хэрэгжүүлэхээр тооцоо судалгааг хийж байгаа бөгөөд эхний ээлжийн хоёр давхар шинэ автобусууд Сонгинохайрхан болон Баянзүрх дүүрэгт эхний ээлжинд гаргах аж.
Мэдээнд сэтгэгдэл үлдээх