ЕБС-ийн нэгдүгээр ангид суралцах хүүхдүүдийн цахим бүртгэл өчигдөр эхэлж өдрийн 14.00 цагийн байдлаар нэгдүгээр ангид элсэн орох 6800 хүүхэд бүртгүүлж, баталгаажуулаад байгааг Боловсролын мэдээллийн технологийн газраас мэдээллээ. www.parent.edu.mn үндсэн системд хандан элсэлтийн бүртгэлийн шалгах гэсэн цонх руу орж хүүхдийнхээ регистрийн дугаарыг хийж цахим бүртгэлийн баталгаажуулалтыг шалгах юм байна.
Цахим бүртгэлийн системд хүүхдийнхээ бүртгэлийг баталгаажуулах явцад тухайн өрхийн шилжих хөдөлгөөний шинэчилсэн бүртгэл харагдахгүй байна гэсэн гомдол санал их гарч байгаа учир иргэдийг шилжилт хийсний дараахь өдрөөсөө эхлэн цахим бүртгэлд дахин хандахыг зөвлөн сануулж байна. Улсын хэмжээнд 2021-2022 оны хичээлийн жилд ерөнхий боловсролын сургуулийн нэгдүгээр ангид 81 мянга орчим хүүхэд элсэн суралцах юм.
Мэдээнд сэтгэгдэл үлдээх