Улсын онцгой комиссын даргын “Шуурхай зохицуулалтын ажлын хэсэг томилох тухай” тушаалын хүрээнд Монгол Улсын Засгийн газрын гишүүд, Мэргэжлийн хяналтын ерөнхий газар, Цагдаагийн Ерөнхий газар, Онцгой байдлын ерөнхий газар, Нийслэлийн Мэргэжлийн хяналтын газрын холбогдох тушаалтнуудын бүрэлдэхүүн, 2021 оны 03 дугаар сарын 27, 28-ны өдрүүдэд үйл ажиллагааг нь хязгаарлаагүй аж ахуй нэгж, иргэний үйл ажиллагаатай танилцаж, халдвар хамгааллын дэглэмийг мөрдөх зөвлөгөө зөвлөмжийг өглөө.2021 оны 03 дугаар сарын 28-ны өдөр нарийвчилсан төлөвлөгөөний дагуу ажлын хэсгийн бүрэлдэхүүн Сүхбаатар дүүрэгт байрлах Таван богд фүүдс ХХК-ийн KFC, Үлэмж агь катеринг ХХК-ийн Калифорния, Он Сэ Гэ ХХК-ийн Корей хаус, Баянзүрх дүүрэгт байрлах Нэгдэлч ХХК-ийн Монгол зоог, Дэсанбүёг ХХК-ийн Чансу, Түмэн тэнгэр ХХК-ийн Бээжин зэрэг нийт 8 ресторан, хоолны газруудын үйл ажиллагаанд хяналт шалгалт хийсэн юм. Шалгалтаар илэрсэн зөрчил дутагдал:1. Он Сэ Гэ ХХК-ийн Корей хаус хоолны газар нь орох хаалганы дэргэд гар халдваргүйжүүлэх уусмал байршуулаагүй, үйлчлүүлэгчийн биеийн халууныг объектод нэвтэрсэний дараа текьний дэргэд хэмжиж, QR кодыг уншуулж байв.
Мөн Улсын бүртгэлд бүртгэгдээгүй халдваргүйжүүлэх бодис /Хлорамин/-ыг цэвэрлэгээ, халдваргүйжүүлэлтэд хэрэглэж, ариун цэврийн өрөөнд цаасан алчуур, гар халдваргүйжүүлэх уусмал байршуулаагүй, үйлчилгээний танхимын ширээ хоорондын зайг 2 м-ээс доошгүй байхаар тооцон байршуулаагүй, хооллох ширээн дээр тусгаарлах хаалт байрлуулаагүй;2. Нэгдэлч ХХК-ийн Монгол зоог рестораны ажиллагсдын ажлын болон хөдөлмөр хамгааллын хэрэгслэлийн нөөц хангалтгүй Десанбүёг ХХК-ийн Чансу ресторан нь үйлчилгээний танхимын ширээ хоорондын зайг 2 метрээс доошгүй, ширээнд суудал алгасч суухаар тооцон ширээ сандлыг байршуулаагүй; 4. Түмэн тэнгэр ХХК-ийн Бээжин ресторан нь үйлчлүүлэгчдийн QR код уншуулалт бүрэн биш, хүн хоорондын зай барих тэмдэг тэмдэглэгээ байршуулаагүй, үйлчилгээний танхимын ширээ хоорондын зайг 2 метрээс доошгүй, ширээнд суудал алгасч суухаар тооцон ширээ сандлыг байршуулаагүй зэрэг дутагдал илэрлээ.Авсан арга хэмжээ1. Ресторан, хоолны газруудын эрүүл ахуй, халдвар хамгааллын дэглэмийг хэрхэн баримтлан ажиллаж байгаа талаар тухайн байгууллагын захирал, менежерүүдийн санал сэтгэгдлийг сонсов.2. Дээрх ресторан, хоолны газруудад эрүүл ахуй, халдвар хамгааллын дэглэмийг бүрэн сахин ажиллах, УОК-оос гарсан тушаал, журмын хэрэгжилтийг хангаж ажиллах тухай мэргэжил арга зүйн зөвлөгөө өгөв. Ийнхүү 2021 оны 03 дугаар сарын 28-ны өдөр шалгалтад хамрагдсан аж ахуйн нэгж байгууллагууд Улсын Онцгой комиссын даргын 2021 оны 18 дугаар тушаалаар батлагдсан Коронавирут халдвараас сэргийлэх арга хэмжээг зохион байгуулах түр журмыг биелүүлэн ажиллаж байна.
Энэ үеэр аж ахуй нэгжүүд өөрсдийн саналаа тодотгож байлаа. Үүнд 1. Ажилтан шинээр авах үед ПГУ-н шинжилгээ хийлгэж байгаа ба уг шинжилгээ авч байгаа ачаалал их байгаатай холбоотой ажилд орох хүмүүсийн урсгал багасч байгаа тул шинжилгээ өгөх боломжийг нэмэгдүүлэх;2. Хөл хорио тогтоолгүйгээр халдвар хамгааллын дэглэмээ баримтлан ажиллах саналтай, хэрвээ хөл хорио тогтоох тохиолдолд хүргэлтийн үйл ажиллагааг эрүүл ахуй, халдвар хамгааллын дэглэмийн дор үргэлжлүүлэх боломжтой гэдгийг илэрхийлж байв.
Мэдээнд сэтгэгдэл үлдээх