Өмнөд Солонгосын LG компани дэлхийн анхны эвхэгддэг зурагтаа зах зээлд худалдаанд гаргахад бэлэн болжээ. Уг загварыг 2019 оны хавар худалдаанд гаргахаар төлөвлөж байсан ч хойшилж жилийн дараа худалдаанд гаргах гэж байна. Анх 2018 оны нэгдүгээр сард олон улсын экспо дээр танилцуулж байсан энэхүү шинэ загвар, технологийн зурагт нь 87 мянган ам.доллар буюу 100 сая воны үнээр зарагдах аж.
LG Signature OLED R хэмээх уг загварыг Өмнөд Солонгосын хэмжээнд нэрийн барааны долоон дэлгүүрт худалдаалах юм байна. Дэлгэцийн хэмжээний хувьд харьцангуй жижиг байх ба суурь руугаа автоматаар хуйлран эвхэгддэг байхаар зохион бүтээгджээ. 4K OLED дэлгэц, шүгэл, хонх, дижитал цаг гээд хамгийн сүүлийн үеийн ухаалаг телевизэд байх бүхий л технологийг өөртөө агуулсан загвар нь 65 инчийн дэлгэцтэй бөгөөд хар, саарал, хөх, бор гэсэн дөрвөн өнгөний сонголттой байх юм.
Мэдээнд сэтгэгдэл үлдээх