С.Зориг агсанд Улсын Баатар нэхэн олгох санаачилгыг АН гаргажээ. Энэ тухайгаа АН-ын дарга О.Цогтгэрэл хоёр хоногийн өмнө зарлав.
Гэхдээ үүнээс урьтаж нэг зүйл сануулах учиртай. С.Зоригийн амь насыг нь бүрэлгээд 23 жил болоход хэргийн учир одоог хүртэл тайлагдаагүй байна.
Ерөөс сүүлийн 23 жилийн С.Зоригийг хөнөөсөн хэргээр улстөрчид тоглолт хийж ирсэн. Бүр С.Зоригийг хэргийг илрүүлнэ гээд УИХ-ын гишүүн болж байсан хүн ч бий. Одоо ч энэ хэргийн тоглолт үргэлжилсээр байна.
Тэгвэл С.Зоригоор бамбай хийсэн бас нэгэн тоглолт сүүлийн үед эхэллээ. Тэр бол С.Зоригийг Улсын баатарт тодорхойлох гэнэ. Энэ санаачилгыг АН-ын шинэ дарга О.Цогтгэрэл танилцуулав. Уг нь С.Зориг улсын баатраас илүүтэй хэрцгийгээр бүрэлгэсэн хэрэгтнийг, захиалагчийн үнэн мөнөөр нь олох нь хүн ёсонд нийцнэ. Монгол түмэн, гэр бүлийнх нь сэтгэл амарна.
Тиймээс О.Цогтгэрэлийн энэ санаачилга нэг төрлийн попрол болж харагдаж байна!
Мэдээнд сэтгэгдэл үлдээх