Ганц өдрийн дотор Монголын улстөрд хачин, жигтэй олон үйл явц өрнөж, УИХ-ын гишүүн С.Ганбаатарын тоглолт арвинтайг харлаа.
Монгол Улсын дээд шүүхэд одоогоор улстөрийн 34 нам бүртгэлтэй. С.Ганбаатар өмнө нь Хөдөлмөрийн үндэсний нам, Тусгаар тогтнол эв нэгдлийн намын гишүүн байсан. Сүүлд МАХН-ын гишүүн болж Ерөнхийлөгчийн сонгуульд өрсөлдөн, өвдөг шороодоод, өнгөрсөн жил УИХ-д сонгогдон парламентад буцаж ирсэн. Гэтэл энэ удаа дахиад даргатайгаа МАН-д дагаар орохгүй гээд АН-д очиж байна. Ингээд тэр дөрөв дэх намынхаа батлахыг гардсан гэсэн үг. Гэхдээ удахгүй л болов уу.
Мань хүний итгэж, түшиж явсан Н.Энхбаяр нь МАХН-аа аваад Ерөнхийлөгчийн сонгуулиар МАН-тай нэгдэх болсонд дургүйцэхдээ мань С.Ганбаатар намаасаа гарсан тухайгаа мэдэгдсэн. Мэдээж “Михайлд нэг бодол бий” гэдэгчлэн парламент дахь суудлаараа наймаалцахын тулд АН-ын гишүүн болж буйгаа ч зарлалаа. Яах вэ түүнд бол “Ганц хүн айл болохгүй” гэдэг үг бодогдоод дотроо эвгүйцэж байгаа нь гарцаагүй. Зүгээр ч үгүй О.Цогтгэрэл “даргатай” АН-д элсэж байгаа юм. Товчхондоо одоогийн Ерөнхийлөгч Х.Баттулгын тал л юм даа.
Гэхдээ удахгүй. Учир нь мань С.Ганбаатарыг элсүүлсэн О.Цогтгэрэл даргатай АН-ын эсрэг тал буюу С.Эрдэнэ “Аливаа асуудлыг дүрмийн дагуу шийдвэрлэдэг байх ёстой. АН-д хэн нэг УИХ-ын гишүүн С.Ганбаатар гэж хүнийг элсүүлээгүй гэдгээ албан ёсоор мэдэгдэж байна! Дүрмийн бус хэсэг бүлэг хүмүүс АН-ыг төлөөлөх эрхгүй!!!” гэчихсэн учраас хэзээ мөдгүй хөөгдөх нь гарцаагүй.
С.Ганбаатар “Иргэд намайг МАН-ын 62 суудлыг 63 болго гэж сонгоогүй” гэж хэлж байна билээ. Тэгэхлээр сонгогчдоо сэтгэлдээ тээгээд байх шиг байгаа юм. Гэтэл нөгөө талдаа АН-ын 11 суудлыг 12 болгож буйгаа хэрхэн тайлбарлах юм бол доо. Уг нь иргэд түүнийг сонгогчдын төлөө бус өөрийнхөө эрх ашгийн төлөө намын батлахаа сольсоор ирсэн гэдгийг аль хэдийн мэддэг болчихсон шүү дээ.
Ганц өдрийн дотор Монголын улстөрд хачин, жигтэй олон үйл явц өрнөж, УИХ-ын гишүүн С.Ганбаатарын тоглолт арвинтайг харлаа.
Монгол Улсын дээд шүүхэд одоогоор улстөрийн 34 нам бүртгэлтэй. С.Ганбаатар өмнө нь Хөдөлмөрийн үндэсний нам, Тусгаар тогтнол эв нэгдлийн намын гишүүн байсан. Сүүлд МАХН-ын гишүүн болж Ерөнхийлөгчийн сонгуульд өрсөлдөн, өвдөг шороодоод, өнгөрсөн жил УИХ-д сонгогдон парламентад буцаж ирсэн. Гэтэл энэ удаа дахиад даргатайгаа МАН-д дагаар орохгүй гээд АН-д очиж байна. Ингээд тэр дөрөв дэх намынхаа батлахыг гардсан гэсэн үг. Гэхдээ удахгүй л болов уу.
Мань хүний итгэж, түшиж явсан Н.Энхбаяр нь МАХН-аа аваад Ерөнхийлөгчийн сонгуулиар МАН-тай нэгдэх болсонд дургүйцэхдээ мань С.Ганбаатар намаасаа гарсан тухайгаа мэдэгдсэн. Мэдээж “Михайлд нэг бодол бий” гэдэгчлэн парламент дахь суудлаараа наймаалцахын тулд АН-ын гишүүн болж буйгаа ч зарлалаа. Яах вэ түүнд бол “Ганц хүн айл болохгүй” гэдэг үг бодогдоод дотроо эвгүйцэж байгаа нь гарцаагүй. Зүгээр ч үгүй О.Цогтгэрэл “даргатай” АН-д элсэж байгаа юм. Товчхондоо одоогийн Ерөнхийлөгч Х.Баттулгын тал л юм даа.
Гэхдээ удахгүй. Учир нь мань С.Ганбаатарыг элсүүлсэн О.Цогтгэрэл даргатай АН-ын эсрэг тал буюу С.Эрдэнэ “Аливаа асуудлыг дүрмийн дагуу шийдвэрлэдэг байх ёстой. АН-д хэн нэг УИХ-ын гишүүн С.Ганбаатар гэж хүнийг элсүүлээгүй гэдгээ албан ёсоор мэдэгдэж байна! Дүрмийн бус хэсэг бүлэг хүмүүс АН-ыг төлөөлөх эрхгүй!!!” гэчихсэн учраас хэзээ мөдгүй хөөгдөх нь гарцаагүй.
С.Ганбаатар “Иргэд намайг МАН-ын 62 суудлыг 63 болго гэж сонгоогүй” гэж хэлж байна билээ. Тэгэхлээр сонгогчдоо сэтгэлдээ тээгээд байх шиг байгаа юм. Гэтэл нөгөө талдаа АН-ын 11 суудлыг 12 болгож буйгаа хэрхэн тайлбарлах юм бол доо. Уг нь иргэд түүнийг сонгогчдын төлөө бус өөрийнхөө эрх ашгийн төлөө намын батлахаа сольсоор ирсэн гэдгийг аль хэдийн мэддэг болчихсон шүү дээ.
Мэдээнд сэтгэгдэл үлдээх