Хүнд хэлбэрийн хавдартай Э.Ананд хүүд амьдрал бэлэглэхээр мянга мянган хүмүүс сайхан сэтгэлийн гараа сунгасан. Өчигдөр гэхэд л сугалаат худалдаа зохион байгуулж, олон үзэгчид азаа үзэж, түүнд эрүүл энхийг хүссэн.
Тэгвэл Э.Анандын эмчилгээний зардалд 380 сая төгрөг шаардагдахаас 300 сая төгрөг нь цугларчээ. Дээрх мөнгөн дүн буюу 380 сая төгрөг нь зөвхөн хагалгааны зардал бөгөөд физик болон химийн эмчилгээний зардалд ороогүй аж.
Тиймээс амьдрахын төлөө өдөр бүр тэмцэж буй бяцхан хүүд, ахынхаа төлөө шөнө болгон залбирдаг сэргэлэн охинд, үрийнхээ төлөө дотроо эмтэрч, гадна шаналж буй эхэд туслахыг хүсвэл хандив өргөхийг та бүхнээсээ хүсэж байна.
Э.Ананд хүүг БНСУ-ын эмнэлгийн байгууллага нэн даруй ирэхийг сануулсан. Учир нь тэрбээр Солонгос улсад очсоныхоо дараа 14 хоног тусгаарлагдах юм. Тиймээс ар гэрийнхэн нь 5 дугаар сарын 13-ны МИАТ-ийн нислэгээр явахаар төлөвлөж байгаа билээ.

Мэдээнд сэтгэгдэл үлдээх