Ерөнхий сайд Л.Оюун-Эрдэнэ Засгийн газрын 100 хоногийн тайлангийн хурлын үеэр вакцины татан авалтад саад учруулсан хүн бол УИХ-ын дэд дарга С.Одонтуяа болон түүний нөхөр гэж мэдэгдсэн талаар бид өмнө нь мэдээлж байсан. Тэгвэл энэ асуудалтай холбогдуулан УИХ-ын С.Одонтуяа хариу мэдэгдэл хийлээ.
Тэрбээр: “Ерөнхий сайд Л.Оюун-Эрдэнэ Засгийн газрын 100 хоногийн тайлант хурал дээрээ Вакциныг гацаасан хүн С.Одонтуяа гэж маш хариуцлагагүй худал мэдэгдэл хэллээ. Вакцины асуудал бол 100 хувь Засгийн газрын асуудал хэн ч нөлөөлж чадахгүй. Сөрөг хүчний үүднээс Засгийн газрыг 100 хоногт ард иргэдээ хамгаалж чадахгүй коронавирусээр 170 хүний алтан амь эрсэдсэн асуудлаар шүүмжилсний төлөө ийм хариуцлагагүй худал мэдэгдэл хийсэнд би маш их харамсаж байна. Хуулийн байгууллагаар шалгуулж тогтоолгоно” гэлээ.
Мэдээнд сэтгэгдэл үлдээх